Aurten ere, aurreko bi urteetan bezala, Durangoko Zilar Astearekin batera antolatu dugu Literatura Eskolako Martxoko saioa.
Iñigo Aranbarri izango dugu hizlari, ‘Bonbardaketak literaturan. Hasi Durangon eta Hiroshimatik gora’ gai duela.
Azpiko esteka sakatuz deskargatu ahal duzue Aranbarrik hitzaldian erabiliko duen ‘Herioen hegala’ liburuxka, hitzaldia aurretik irakurri nahi izanez gero.
“Herioren hegala”
Martxoaren 24an duzue zita, 10.00etatik 14.00etara Durangoko Liburutegian.

‘Literatura komunikazio-eremu gisa eskolan’ gaia jorratuko dugu literatura eskolaren hurrengo saioan Idurre Alonsoren eskutik.
Otsailak 18an Gasteizko Ignacio Aldecoa Kulturetxean (Florida parkean) 10:00etatik 13:30ak bitartean.
Hitzaldiaren inguruko honako textu hau ere bidali digu Idurrek, agertuko dizkigun ideien lagin gisa:
Gaur egungo literatur ikerketek literaturaz baino areago, literatur sistemez dihardute. Hain zuzen ere, literatura ez delako testura mugatzen; literatura bere osotasunean ulertzeko, ezinbestekoa da testua idazten denetik irakurlearenganaino iritsi arte (baita gero ere) zein ibilbide daukan ulertzea. Izan ere, testuak izango duen irisgarritasunean nahiz harreran erabakigarriak izan ohi dira idazlearen sonaren, merkatuaren, instituzioen, egoera …

Gema Lasartek ‘Emakume anitza euskal narratiba garaikidean’ izeneko saioa eskaini zuen larunbatean Donostiako Ernst Lluch kultur etxean, Literatura Eskolaren egitarauaren barruan. Emakume idazleek 1979tik 2009ra sortutakoari soa botatzea bilatu zuen Lasartek, azkenean jendearen solasarekin ‘emakume anitzari beatu poliedrikoa ematea’ izan zuelarik xede.

Bere buruaren biluzte ariketa literarioarekin hasi zuen Gema Lasartek saioa, ‘funtsean emakume bat dagoelako horren atzean’, performance txiki bat eskainiz kasik. Bere bio eta bibliografiari errepasoa eginez gogoetak proposatzen joan zen, saioaren lehenengo zatia galdera batekin amaitzeko: ‘Zer da idazlea izatea? …

‘Emakume anitza euskal narratiba garaikidean’ izango dugu berbagai hilabete hontako saioan. Gema Lasartek gidatua eta donostiako Ernest Lluch kultur etxean oraingo honetan, baina goizeko 10.00etatik 14.00tara hilabeterolez.

Azalpena:
Saioak, batez ere, literaturaz hitz egitea du helburu eta hori horrela, ekitaldia jardun ezberdinetan garatuko da. Lehenik, hitzarekin izandako esperintzia erotikoaz mintzatzea eta literatur ibilbideak paratideekin partekatzea  luke xedetzat hizlariak. Hori helduleku eta abiaburu izanik ,emakume anitzaren geografiak aurkitzeari ekingo dio hizlariak, helmuga emakume idazleek azken 30 urteotan sortu takoari soa botatzea izanik.  Bukatzeko, begirada zabalduz, denon artean emakume anitzari beatu poliedrikoa ematea …

“Barne irudiaren bilakaera, ahozkotik album ilustratura”. Izenburu hori du larunbat honetako eskolak eta Yolanda Arrieta izango da gidari lanak egingo dituen idazlea. Duela gutxi hain juxtu, “ABCD berri bat” izeneko album ilustratua aurkeztu du Yolanda Arrietak. Lan honi esker, Peru Abarka saria jaso zuen eta, egilearen beraren esanetan, “ozenki nahiz isilean irakurtzeko” liburua da. Generotzat dauka album ilustratua eta hori izango du hizpide nagusi Yolanda Arrietak, Tolosako Bonberenean eskainiko duen eskolan.

Jendaurrean maiz aritu den arren, Literatura Eskolakoa ez ohiko saioa izango da Yolanda Arrietarentzat: “ni asko ibili naiz bitartekariekin, maisu-maistra, …