Beckett-en esperoan egon gara Literatura Eskolan, bi egunez Oreretako Mikelazulo kultur elkartean. Zorionez ez da azaldu, baina haren lanak bidali dizkigu, absurdurik kritikoenaren oihartzunak piztearekin batera.
Egun biko Eskola izan da abendukoa.
18an Eta Karmele? antzezlana eskaini zuten Ainhoa Alberdik eta Iraia Eliasek. Karmele ez da Godot, baina haren esperoan egoteak absurdua ekartzen digu gogora. Barre egingo duzu Karmeleren zain, kezkatuko zara, hunkituko zara. Samara Veltek idatzi zuen orain bi urte testua, aktoreen bulkadekin elkarlanean, eta Euskal Herriko plaza ugaritan eskaini dute jada.
Bezperako antzezlana izan zuen gogoan Beñat Sarasola akuilariak larunbatean, Becketten …

Mikel Laboaren hizkuntzak izeneko eskola eman zuten Leire Lopez Ziluagak eta Ibon Rodriguezek pasa den larunbatean Tolosako Bonberenean.

Hizlari biek Mikel Laboaren lanak hitzarekin zuen harremana aletu zuten, bere musika kokatzeko erreferentzialak izan daitezkeen kantak entzuteko aukera emanez. Mintzaldiaren hastapenetik eztabaidarako tartea egon zen eta eskolakideen iritziekin bat eginez egin zuen aurrera saioak. Lehen zatian galdera batek piztu zuen batez ere eztabaida: zergatik iraun du Mikel Laboaren kantagintzak, musikagatik ala hitzarengatik?
Ibon Rodriguezek hasieratik azaldu zuenez beraiek arreta handiagoa jartzen diote musikari hitzari baino, eta horregatik erabaki zuten hain zuzen ere saioari …

Maria Colera eta Ibai Atutxaren hitzaldien kronika.
Manifestu atzeratua, irakurketa kritikoa. Hitzaldia Lapiko Kritikoan
Maria Coleraren hitzaldia
Manifestu atzeratua 11 telebistan
Ez da nolanahikoa izan aurtengo ikasturtearen hasiera, Joxe Azurmendiren Manifestu atzeratua izanik ardatza. Maria Colera esku egon da testuingurua azaltzearen ardura, Ibai Atutxarenean testuaren irakurketa kritikoa egitea. Nabarra aldizkariaren egoitzan egin zen saioa.

Gogoeta pizgarriak ekarri zituzten akuilulariek, funtsezko gogoeta baten bidetik: ‘Manifestu atzeratua’ 1968koa izanik ere, sekulako gaurkotasuna du. Egun bor-borka dauden eztabaidekin lotzen da bere egunean zentsuratua izan zen Azurmendiren lana.
‘Izan zirelako gara? Eta nahi dugulako izango gara’ izan zen eskolako …

Irakurtzen ikasi gura genuela, esaten genuen Literatura Eskola martxan jarri genuenean. 2003ko urrian hasi ginen kontu honekin. Horretan gaude, irakurri gurean, ikasten, irakurtzen, eragiten. Horretan jarraitzen dugu.
Izena emateko sasoian gaude, eta saretik egingo ditugu horrelakoak.

Laister hasiko dugu guk ere ikasturte berria. Literaturari ekingo diogu berriz ere. Bilbon urrian hasi eta Iruñean bukatuko dugu maiatza aldera.
Urriaren 23an Bilbon: Joxe Azurmendiren Manifestu atzeratua. Ibai Atutxa eta Maria Colera.
Azaroaren 6an Tolosan. Mikel Laboaren hizkuntzakLeire Lopez Ziluaga eta Ibon Rodriguez.
Abenduaren 18an Oreretan: Samuel Beckett. Signifier? Nous, signifier! (Rire bref). Beñat Sarasola
Urtarrilaren 15ean Gasteizen: Nobela grafikoaz. Harkaitz Cano.
Otsailaren 19an Ziburun. Gartzelako literatura. Jose Luis Otamendi eta Mitxel Sarasketa.
Martxoaren 19an Donostian: Queer literaturaz. Iratxe Retolaza eta Ibon Egaña.
Apirilaren 16an Durangon: Punka eta literatura 80ko hamarkadan. Juan Luis Zabala.
Maiatzaren 21ean Iruñean: …